Hospicare Kruinpark Roodepoort bejaardesorg, bystandsorg, trauma en chroniese hulp tuistes vir oud en jonk

Hospicare spesiale tuistes streef daarna om families van slagoffers van tydelike of permanente terugslae weer gerusstelling en lewensmoed te bied. Hier kan geliefdes in professionele en liefdevolle sorg gelaat word met die wete dat hul veilige en bekostigbare versorging sal geniet.

Die fasiliteite in Roodepoort, Heidelberg en Stellenbosch bied ‘n spektrum van pasmaak dienste:

Geleë in die geborgenheid van Kruinpark Aftreeoord, bied ons ‘n tuiste vir permanente inwoners wie versorging nodig het met toegang tot mediese dokters en ‘n span opgeleide susters, verpleeg- en versorgingspersoneel wie hartlike en professionele sorg offer. Dienste sluit higiëne-, wond-, voeding-, wasgoed-, vermaaklikheid-, persoonlike sorg en terapie in. Inwoners se behoeftes bepaal die dienspakkette.

Die Dialisesentrum funksioneer apart langs die sorgsentrum en bied ‘n tydelike oase waar nierversakinglyers hul weeklikse behandeling in rustigheid ontvang. Ons professionele span is toeganklik en vriendelik en sluit ‘n nierspesialis, kliniese tegnoloog en nefrologiese verpleeg- en sorgpersoneel in wie ons pasiëte as familielede versorg.

Die dialisesentrum bied toegang tot Nefrologiese kundigheid, voor of tydens niervervangingsterapie, vir buite-pasiënte wie die risiko’s bestry teen, of ly aan nierversaking. Dit behels toegang tot bloed-, dieet- en nooddienste asook orgaan-oorplantings-mobilisasie.

Ons professionele span skep ‘n plek van gemak aan chroniese dialise pasiënte met die waardetoevoeging van WIFI, Netflix, vervoerdienste, etes en persoonlike bemagtinging om die lewe so normaal as moontlik voort te sit. Ons bied nagdialise vir werkende pasiënte.